第二次計劃失敗
 |
| Khu bao ton thien nhien Binh Chau 係當年森林, 係成個森林，當年就係要穿過去，先到Hồ Cốc海灣，依家有條路叫 Ven Biển，以前冇架。 |
冇幾耐，卒之又有另一家組織開始行動，(自上次之後，各戶就各自為正，唔再聯合組織，你有你攪，我有我攪，人到利益關頭就表露一切，肥水不流別人田，走得快好世界，個個趕住行先) 今日有另一家行動，我當然想搭順水船，亦跟大隊人森林，因地理環境優勢，偷渡人群好安全踏入樹林，真係神不知鬼不覺。
記得當晚湊啱遇上暴風雨，在森林中差點迷路，因大雨洗禮過，樹木倒冧，又漆黑一片，樹身記號似乎消失，很難辨認方向，好彩離海灘唔遠，靠聽海浪聲終於行出迷宮。午夜時分，在大海閃閃燈光中亦聯絡上大船，無奈天意弄人，小艇從頭屯出咗事，唔可以開行(時後知) ，大船打着強燈照上岸，見岸上一群人瘋狂揮手，大家只能對望，又唔能夠互通訊息。
直至天光，岸上嘅組織人決定派人游水上船，通知改變計劃，叫大船好似上次出海找小艇接駁。(當晚我有小小衝動，想同組織人講，三姐外家有艘橡皮艇，我亦知藏在那裡，好彩冇講，否則我不堪設想，死無全屍。)
真係世都古唔到，派游水上船做使者嗰位仁兄，係唔多識講唐話，講越南話又帶有北旗音，漁船接到人後駛出大海，冇幾耐，大船轉返頭放下使者游水上岸，告知行動取消，漁船駛回Phan Thiet (事後得知，船長不相信呢位使者，怕係越共派上船，船長懷疑以為岸上已敗露) ：又一次失敗，人群亦照版, 一一安全逐批送出車站歸家。...(下文待續)
No comments:
Post a Comment