本欄作者保留版權,未經同意,不得轉載。連絡電郵: geegeelooloo@gmail.com

1/24/16

黃汝培夫婦旅遊墨爾本記(二) (翠群) (01/24/16)

過往每年將近到暑假就計劃去旅行,遊山玩水,探訪親人,等等… 今年掉番轉,我呢親戚朋友來探訪。無論邊個探邊個都係一樣,大家一齊去街街!我咁講因為想搵籍口解譯為何咁耐先至繼續寫第二篇「記」,嘻嘻!

星期一晨早起身晏咗,急急打電話畀Peter叫佢哋响火車總站等我,唔使我去酒店搵佢哋。我放緊假吖嘛,慣咗夜瞓晏起身,真係唔好意思嘞。

响墨市中心好難搵迫車位而且又限時間,停車場費好貴再加上我哋要去嘅海灘有電車線好方便,所以我迫車响近屋企火車站再搭火車去City,到總站就見到Peter夫婦倆人。上次係我等人,呢次係人等我,和數,對唔住Peter Becky嘞,嘻嘻!

靚靚夫婦在我呢個臨時响導之下,開始甜蜜蜜嘅旅程

好啦,依家人齊就開始出發,我哋三人行,首先响墨市電車站影幾張相做記念,然後搭16號電車去St Kilda Beach,响138站即係Luna Park站落車。上次我有介紹過Luna Park 係一個歷史尤久嘅遊樂場,最近响電視密密廣告新玩意,呢個時間係暑假所以我哋見有好多小朋友高興彩烈咁買飛(票)入去玩,好幸褔啊!小童零至三歲票價係16.5澳元,四至十二歲係37.5澳元,成人票價係47.5澳元。刺激玩意唔適合我哋,所以整係企响門口擺款影相。隔籬係另一間古老戲劇院Palais Theater,於1911開張到依家已有過百年歷史,我哋當然唔放過嘞,又企响門口影番幾張靚相,呵呵!對正Palais Theater門口有一排由墨市政府管理嘅單車出租站,全個墨市中心一共有50個單車出租站,租客可以在其中一個站交車就得啦,價錢便宜,下次有機會應該試下。

St Kilda Beach16 號電線車上

行過Luna Park後面條街就係海灘,正午時間烈日當中,我哋帶大帽,黑超(太陽鏡),背囊,相機,整個遊客款好醒,哈哈!一行近海邊就聞到一陣海腥味,聯想到新鮮雪利石蠔(Sydney Rock Oyster),就留洒口水。Peter同Becky擺款影好多情侶相,真係羨慕死隔籬囉!嗰陣係中午,海灘好少人,所以我哋任擺款都冇人阻手阻腳。企响碼頭凝望遠方,右邊係高樓大廈,左邊係偏僻孤獨嘅燈塔,中間係海闊天空,視覺變化好大,咁就睇你諗緊乜嘢嘞,熱鬧?清靜?孤僻?自由?牽制?或全部?

充滿歡樂笑聲嘅 Luna Park

好一對幸褔嘅比翼鳥

漫漫長路伴你(妳)同行

靚太Becky話要搵間白屋之戀

歎咗海風,避咗一啲生活煩惱,始終都要返番現實,唔到你想,因為個肚咕嚕叫,原來己經一點幾,我提意去食我至愛嘅炸魚薯條。三人行過兩條街,穿過住宅區,Peter好鍾意嗰啲古香古色嘅老屋。佢真係好識貨,閒閒哋一間細細都要百幾萬!佢話等中頭獎喎,我就話唔使等,有度假屋出租好方便啫。過住宅區就係出名嘅喂食街,Becky見到一間有塗鴉牆壁嘅西餐館,我哋企响嗰度整蠱做怪擺款影相,懶理人哋點睇,依家諗起都幾好玩,哈哈!邊行邊講就到嗰間炸魚店,我哋叫每人一份烤魚加沙拉,再加份大薯條,一枝啤酒,讚!

我哋扮「天真笑女」,哈哈!

鮮味嘅炸魚薯條加啤酒,讚!

食完午餐我提意搭車返去我嘅地區火車站攞架車載Peter,Becky去另一個墨爾本標誌嘅海灘Brighton Beach Bathing Boxes。嗰度有八十幾間鮮艷色彩嘅木屋,係影相發燒友嘅好去點,影結婚相嘅熱點。Peter夫婦當然又唔放過機會,影好多情侶靚相。個海灘好長,遠遠望到承個墨爾本城市隱現白雲間,近啲就見好多玩風帆嘅衝浪者,再近就見到啲媽咪一邊晒太陽一邊睇住小朋友玩堆沙。我哋漫步行人路徑,好輕鬆,另有一番趣味。記得上次响越南餐館食嗰個Bánh xèo好渣,我應承介紹另一間Bánh xèo出名嘅餐館畀佢哋試。我哋响海灘蹓躂一個鐘頭就攞車番史賓威Springvale食越南餐,Peter話我冇介紹錯,聽佢讚,我放心嘞。最後都要講聲Bye Bye。Peter倆自已搭火車返City,我哋約星期二晚再來個大聚會。

係咁多先,下次再見— 翠群

史賓威拱門前

整係賣相都知道Bánh xèo係好正嘞!

1 comment:

  1. 首先謝謝翠群為我倆在墨爾本渡假期間寫了這兩篇特輯,真是好詳細,連一些好小的細節都沒有忽略.文章暢順可親,實是位寫小說高手.
    要謝謝翠群夫婦,吳立美和楊靜敏幾位好友陪同下享用到當地多種美食,又載遊海灘和逛街,使我倆的假期充滿歡樂和美好的回憶.
    若下次來Brisbane一遊,好讓我倆有机会回謝妳們呵!
    汝培

    ReplyDelete