偉銓同學，睇咗你呢上篇文，我諗起好多話題嘞，多謝你嘅提點。其實我哋都可以咁諗…嘗試過新制度等於增加多啲人生色彩，生活滋味，好似食慣蟹黃魚肚，突然間無貨，局住要轉食酸辣冬陰湯咁，都係有啖湯飲唔洗餓嚫。現實生活第一件事就係填飽肚先講其他嘢，我話正所謂「個肚咕嚕响，不再有理想」，啱唔啱呢？所以呢段古係關於解放後嘅新行業…
七五，七六嗰兩年真係多災難，當時好多怪病，聽講因為戰爭後，好多陣亡軍人，逃難喪命嘅平民百姓嘅屍體，因冇人整理而腐爛所引發嘅毒氣，污染耕種地，食用水，等等… 蚊蟲又特別多，又好毒，一唔小心被咬嚫就大件事嘞，我一個細妹就身受其害。當時由革命份子領導嘅婦女會，組織編織藤組tổ đan mây tre lá 畀無嘢做嘅女子學手工藝，當然除咗學手藝，仲要開檢點討論會添。
佢哋响鄉下運一車車藤到西堤，帶埋好多蚊，又冇適當處理，淨係擺响課室內。課室其實係空置嘅屋，學員坐响地下編織手袋，日日與蚊蟲打交道。
有一日阿妹去上課番屋企就突然間發高燒，聽講佢被蚊咬，阿媽以為係感冒就煮啲粥畀佢，佢食兩啖就唔想食，阿媽就順便食埋嗰碗粥！弊啦！嗰晚連阿媽都病埋。好彩屋企人及時送阿妹去兒童醫院，阿媽入住西貢醫院，醫生話遲啲就冇命囉！有點怪就係兩人病因都唔同（？），兒童醫院話阿妹係腦膜炎，西貢醫院就乜都冇講，淨係話阿媽染到病疫！
到依家我都朦喳喳，唔知阿媽患乜嘢病，你話我係唔係好蠢呢？仲記得當時好多細佬仔被感染腦膜炎，兒童醫院唔夠床位，病房塞滿床，剩番地方啱啱够一個入行過，探病冇地方坐不特使，仲要兩病人分用一張床！阿妹要同另一個細佬仔掉轉頭瞓，兩人都正在昏迷不醒，細佬仔嘅嬤媽不時咁推開阿妹隻腳，我要整日扱住嗰個女人，怕佢吓阿妹。你估我交待畀來接班嘅屋企人做乜嘢呢？唔係吩咐睇阿妹，而係吩咐要留意對面嘅女人，冇畀佢慢慢，慢慢咁…侵略「床位」呀…哈哈！
好彩上天保佑亞妹，阿媽大步檻過鬼門關…好感慶幸啊！係咁多先，下次再見—翠群
翠群，今年雙春兼閏九月，又逢馬年，我們本屆同學也幸運地聚首再一起，人晤精神都幾難，不過若然是閏八月，人月兩團圓，大家再度過一個快樂的中秋節，不是給妳有機會破例品嚐多一個月餅嗎﹖妳話係晤係?
ReplyDelete記得大概卅多年前，剛踏入澳洲定居的時期，這個時代旅居海外的中國人保留著一份鄉情，每逢佳節，禮尚往來在所難免，尤其親朋戚友眾多，更加盡力以赴。從香港進口的與本地製造的月餅價格相比較，不會差得很遠，如果沒有記錯的話，應該是十多塊錢左右，伸算當時勞動界的工資，每週兩百多塊錢，除非很節儉，否則也可以享受應節的滋味，再不然等到當天的一加一等於一的價錢才購買，弊在留下的種類不齊全，有好過無，將就一下都開心。翠群，為何墨爾本那麼早就賣特價呢﹖苦了進口公司，商家東主，都會為生意盈虧捏一把汗，回想以前在越南做月餅的工場工人，做的時候也是捏一把汗加進去，哈哈﹗
講起現時中秋節日的氣氛，年輕一代，在外國已經漸漸被沖淡了，送禮月餅更加可免則免，只有我們這些將踏入花甲之年，記憶裡抹不去，在尋覓保存舊俗，(傻傻地)爽爽地在我們餘下的日子裡，繼續享受欣賞。但月餅系列也為適應潮流而改變，除了正統的蓮蓉，豆沙，五仁，現在什麼味道，任何餡料都有，鹹酸甜辣，冷熱軟硬，燕瘦環肥，色香俱全。
腦膜炎是由細菌感染而起，一種非常令人驚怕的疾病，如果掉予輕心，不予理會，以為是感冒傷風發燒，後果嚴重，隨時奪命，或做植物人，稍慢也會破壞腦細胞，影響智力，這些都是我曾經見過的。妳家人慶幸及時送院，上天保佑，逃過一劫，感恩﹗
不好意思，九唔搭八，越南的舊事，忘得一乾二淨，但月餅的引誘，在這裡亂塗了。。。
我每次發報貼文之後，「睇來睇去」一定有錯字，唉！為咗想篇文完美啲，所以求救吉如幫手更改錯字或加番啲料，承日要麻煩吉如，真係唔好意思。
ReplyDelete我盡量減少講私人嘅嘢，除非與普羅大眾有關，咁先真正係「鳴遠四十週年回憶錄」，你話啱唔啱呢？本來打算順住時間，連接陳述往事。吉如提意唔好發報太多留言comments，因為標題容量會超額，而引發處理貼文嘅技術問題，所以我打算以主題來講古，到時冇咗連續時間性，唔知我會唔會擺錯烏龍呢？各位同學仔呀，要幫手提點我啊！
學濤兄，我諗您唔會完全忘記以前嘅嘢，只要有某些提示，就會記得起來嘞。好似我咁，最初仲記得些少，响呢度講古，講下…講下就記番好多，所以如果吉如站長要求我每篇貼文都另設新標題嘅話，咁嗰標題目錄會好長嘞！哈哈。我哋呢度嘅商店好都係啱啱減價月餅，因為過咗中秋節就沒人買囉！以前月餅好有價，所以好多响越南等待去外國團聚嘅女仔，家庭主婦，甚至男仔都去學做糕點，月餅，然後買好多工具，月餅模，等等帶到來…之後…可能整係做過幾次月餅吧，或者全完未試做呢！
係咁多先，順祝各位同學仔，「甜甜蜜蜜過中秋，歡歡樂樂覽吉如。」
再見—翠群
翠群, 首先, 恭喜妳將妳羅師父教的「九功秘笈亅鍊得如此爐火純菁。越寫越多, 越多越精彩。就算偶而有字誤, 仍人之常情。大家看得明白就好了, 不會怪妳的。要真不明白, 也會留言問妳就是。無需糾結再意字誤！也謝謝妳常常進站發貼。看官們真有眼福啦！此前不久, 有收到一位「心水清亅的email 內容如下:
Delete...."女俠的留言很扣人心弦，很好的文稿，為何妳不把它搬上新的貼子呢，請她寄到妳電郵箱，然後妳代她貼上..........放在留言區，有點可惜啊！"
翠群, 妳的貼子的確很多細節,光怪陸離, 平實親和。內容很豐留。使人看在眼裡, 笑在心裡。吸引停站瀏覽的可多了。若只放在留言區，就不能加插一些照片, 真的是有點可惜啦。比起看官們可以在目碌表上隨時進行搜閱來說, 就不太方便了。
同一個標題, 内有加上(一) (二) (三) (四)...集, 可以連貫成系列。亦很方便。不是嗎？若每個新貼文都能有不同的標題, 那當然就會更好啦！
唔...惜福！隨缘！感恩！
吉如
喔, see....我也犯字誤啦！....應該是「內容很豐富亅不是豐(留)。哈哈哈！
Delete吉如
哈哈！好彩寫錯豐留，若寫同音（風流）就弊家火，偉銓
Delete哎！真的耶！哈哈哈！
Delete吉如
第一張照片，感覺上女俠是在擁抱著一個圓滿的「月亮」。
ReplyDelete好一個中秋！ 一個好中秋！祝福 ！
小MM
每次睇完妳的䀡文都有些餘響，事關呢啲係因為妳講嘅野，實在係好普通的日常生活點滴，但係好傳情，記得讀英文班時，老師説 use simple words, don't use jargon, 想落也是，說了一大篇笑話，聼不到一點笑聲，要懷疑自己的表達能力嗎？有道是東西放得太耐會生銹，食物放久會變壞，口唔出聲會變啞，字不寫會忘記，全靠妳，不知不覺又留言了。
ReplyDelete嘩，一無留意，吉如已經加貼上了，妳分享給我們看的一個很大很大的月餅，我諗應該饀料十足，非常美味。聼妳介紹，當年拜藝學成的做餅高手，妳應該也有份，對嗎？解放後，大家的想法有改變，不再認為做買賣可以謀生，比較實際的計劃，假使有幸某一天生活在第三國家，多一門手藝防身，起碼可以用勞力換取酬勞，不至於餓死，總之為將來打算，未雨綢繆的結果，明知是一個謎，還是要試一下，因為結局到頭來都係睇你命數際遇。
經妳一提，確實勾起一點點模糊的回憶，在政權過渡期間，進口的西藥缺市，所以西藥價格是逐粒計，逐粒賣，尤其是特效藥，無計，有見於此，取而代之的中成藥thuốc bắc如雨後春筍 ，穿心蓮片亦是最普通的感冒傷風藥，跟其它中藥一樣，味道是苦的，我們有句話良藥苦口，亦是大人勸勵＂拎仔拎女＂吃藥的招數，未知你們是否被騙過。。。