馬來西亞榴槤。名種貓山玉，其味帶有小小苦
响出發前挭係上網抄番啲資料，網上好多人都推薦，學濤所提及嗰間天天海南雞飯，位置好方便，地點就响唐人街，牛車水，佛牙寺對面街內一食市(MAXWELL FOOD CENTRE) 其中一個檔口。
 |
| 牛車水車站，出口正正唐人街 |
唐人街，牛車水附近之佛牙寺，當日寺內正有法事。
為着要試一試其如何出名，我不惜去咗三次，第一次去撞啱嗰日休息，摸門釘，第二日再去，因時間問題去得太晏，啱啱賣晒，又冇得食，第三日始終品嘗到，我本人覺得，冇乜特別之處，同日前因天天賣晒迫住要幫襯第二間興興海南雞飯都都差唔多，可能網上鼓吹得太犀利，所以遊客都要嘗試吓，但有一處值得稱贊，睇番三年前之相，同依家學濤剛影嘅相，價錢方面係—樣冇起價。
 |
| 始終可以嘗試到天天海南雞飯，睇番價錢三年後都冇起價 |
佛牙寺對面之食市，天天海南雞飯賣晒，唯有幫襯興興雞飯，都OK咘。
至於唐人街有好多食檔，我都係覺得普普通通，但有一個地點我就覺得唔錯，係响 CLARKE QUAY 河邊之JUMBO酒家，若想有多啲情調，座近河邊之位置，您非要早兩三日訂座，諗落嗰日真係好彩，啱啱有人退訂，所以等三個鐘頭都可以俾我座到一個露天座位。
 |
| 呢間JUMBO唔錯架，好好味 |
我一家四個人叫咗個套餐，大約百多澳幣，幾味送菜都非常美味，有西檸香蝦，鮮菌魚翅. 密豆菊香排骨，胡椒蟹，炒麵，甜品，味味都一流。
星加波仲有一處叫做老巴剎，夜晚大部分檔口都買燒烤，煙霧彌漫，香味流晒口水。至於星加波嘅肉骨茶就唔夠馬來西亞咁好味，以上都係我個人睇法，事關每個人都有自己嘅口味，所以好唔好食就由當事人評價啦！
 |
| 老巴剎食市中心 |
 |
| 印度加里飯 |
 |
| 小印度 |
No comments:
Post a Comment