上次講到唱歌，呢次就講下電視影片吧。印象最深係電視日播夜播嘅一部影片，我唔記得詳細內容，整係記得個片名「thép đã tôi thê' đấy」。第一次聽見呢句嗰陣，我以為係俄文直譯，唔知係乜意思，後來先至明白呢句，「鋼鉄是怎樣煉成的」係講人被困境鍛煉成銅皮鉄骨嘅身軀，堅持屈强嘅精神，好似我哋依家咁，你話係唔係值得自已讚自已呢？想起以前種種艱辛，苦難，依家都挨過晒囉，好似學濤兄話齋，真係「扭一把汗囉」！
電視台除咗播蘇聯影片，仲播好多波蘭，匈牙利，捷克，羅馬利亞，等等嘅製作，內容多數係講革命戰爭。間中有播大規模嘅歌舞劇，講真一句，東歐國家嘅芭蕾舞劇唔錯，大製作，演員多，隨時見大隊人邊舞邊操兵咁衝出來，幾好睇。
我哋都有睇好多中國大陸影片，最記得係鋼筆片「西遊記」，原來係中國第一部自製嘅卡通片。另一套劇係「白毛女」，聽講呢套劇集跟據真人真事改編，但係我哋第一次睇到咁離奇嘅故事，有啲半信半疑呢，後來先知道原來當年演出時，曾轟動中國大陸，係一部好出色嘅戲劇。阿爸就最鍾意睇中國歌舞節目，全部係男女高音，紅旗紅圍巾紅對联，千遍一律嘅紅當蕩畫面，我哋好唔慣，所以當阿爸睇到如痴如醉嗰陣，我哋就偷偷走去參加sinh hoạt đoàn，最低限度識聽佢哋噏乜，哈哈。
係咁多先，下次再見—翠群
年輕人挫不住氣，反叛心強，至緊要認威，難保不被心理戰擊破，這個時代還可制止嗎﹖週圍都是陷阱。。。
ReplyDelete學濤兄講冇錯，我依家驚緊，因為我嗰兩個僆仔僆妹可能會似我後生嗰陣咁勇，分分鐘「先砍後奏」就慘囉！哈哈。
ReplyDelete講笑啫，我認為後生仔女係要有衝勁先至好，只要肯參考家人嘅意見先作決定就得嘞。其實响依家嘅高科技年代，陷阱比以前嘅更加厲害，嗰啲網絡陷阱，圈套係無聲無影，唔知唔覺…男女老幼都一樣被上當呢，好似您話齋「扭一把汗！」。唉！我哋一依上吉如玩就穩陣過，好玩過，有益過…哈哈，下期貼文，吉如一定打賞我多啲超酷嘅靚圖畫，係唔係呀吉如站長？
翠群
翠群, 是呀！妳的回憶錄裡有血有淚, 光怪陸離。每段細節裡, 却被妳輕鬆詼諧, 風趣生動的帶過。妳好利害啊！而遂一據實報導過程中, 童叟無欺。真是夠技巧精彩。有人跟吉如說, 這位女俠根本就可以出一本書啦！我倒認為現今個"E"時代, 發貼比出書還適應潮流。只要放個書簽(book-mark), 上山下海空中飛, 指頭一彈, click, click...全世界天涯海角裡, 隨時都可以重閱。真不比出一本書差。妳說是吧？
Delete吉如