自從吉如幫手開「往事…回憶」題材，到依家已經有超過四十幾個回覆，全靠偉銓同學，學濤同學及吉如參議我先至可以繼續吹水啦，都算係長命單元呵！如果吉如話再長篇都冇問題，咁我就繼續…喝杯茶食個包回憶吓往事都幾好玩呵！
可能有人會問做乜嘢我凈係講「吃喝玩樂」呢。正因我曾經當過「康樂組長」，當然凈係記得玩啊！
每次開班會，首先係班主任訓話，跟著係正副班長報告當時動向，學校活動等等…然後到其他組長報告，總務組長就專門講錢，邊個未交茶會費，旅行費等等…風記組長就叫我哋要守規律，邊個同學被記過…相信冇人鐘意聽啦…哈哈。
學校辦作文比賽或做璧報嘅信訊就由學藝組負責號叫大家投稿。衛生組長就分配我哋輪流擦黑板，掃地叠枱蹬。康樂組長好似我咁就呼喚大家多啲報名參加「吃喝玩樂」活動，係最受歡迎啲話題… 每次計劃組織旅行或者茶會就特別熱鬧，大家踴躍參議，只需要亞爸亞媽話OK就搞掂，唔似依家由自已話事都要諗上…諗落…冇以前嗰呢衝動，真係冇晒癮！可能依家學識照顧他人，多咗責任，呢啲係無形嘅束搏呵！！！
我記得多數由班長策劃遠地旅遊嘅事，所以每次去頭頓，邊和或大叻…等地方玩，就一定有齊各班長及組長參加，組織得有聲有色，各式烹飪…明火燒烤魚(ca loc nuong) ，越式雞沙拉(goi ga) 等等，各類遊戲樣樣齊，佢哋細細個就己經顯出領導才幹啦！呢次參議袋鼠隊東征嘅領隊們，相信係昔日嗚遠「班幹事」。
係咁多先，下次再講過。再見！翠群
~~~~~~~~~~~~~~~~~~~~~~~~~~~~~~~~~~~~~~~~~~~~~~
後記: 百變的「吹水公主」己搖身變成為「茶包女俠」。
08/04/2013
You are visitor #
翠群,妳知道嗎？妳「回憶碌」的點閱率很高。點閱區域由開始的美加和澳洲地區,到海峽兩岸,和近來最遠的蘇俄和歐洲地區。吉如站有感於此。特闢此一「長命單元」到給校友們的「文藝天地」長駐。
ReplyDelete原來沉默的一群網友們都愛看妳的「嚕嚕叨叨」往事。妳就多上來貼文吧！這個「翠群四十年回憶碌」單元是完完全全屬於妳的啦！善用它廣結網緣吧！
祝文安！
吉如站長
翠群,一直都以為妳數学頂呱呱;估唔到妳連吹水都一流竟然吹到風生水起...讚!
Delete睇妳同偉銓你一言我一語的回憶錄就好似時光倒流,掀起了咱們一頁頁學生時代生活的追溯,回憶,緬懷...感觸良多亦心騖膽跳(你知,我知,天知,地知)其实乜都唔知;皆因五十年代的咱們天真爛漫;赤子之心,清純如一;沒有爭妍鬥豔,只有爭強好勝拼命為班裡勇冠三軍,拔河,籃球,歌唱...好多已失去的過去經妳一一追溯一幕幕歷如眼前,我都希望其他学友能同共鳴一齊來分享"那些年咱們在一起的日子"!
Nana
翠群妳都巴閉囉！站長都要加開個單元項目俾妳玩，咁妳又唔好辜負吉如對妳嘅期望，多啲想當年，事隔四十年嘅住事，相信好多同學都想回憶吓，懷念吓，我地呢班奇鷹前景就冇乜作為啦！唯有話當年，都仲有一番乏味，我都會上嚟黐返啲嘅！，同妳打吓鑼伴吓奏。好可惜今次袋鼠隊出征，妳唔參加，唔係有妳呢個康樂組長，一定玩到盡。偉銓
ReplyDelete所以話鳴遠人才濟濟,个个卧虎藏龍冇錯嘅;一出手不同凡響如响徹雲霄;有彈有讚;有講有笑...大快人心也!
ReplyDelete哇噻!想唔到不過一陣子冇嚟吉如shop吓就好似变成網外人咁;閉關出嚟眼界大開;翠群公主出寨的確勾起四十年前塵往事, 加上四眼銓來个双橫同台一唱一和好熱鬧, 昔日童年往事一幕幕如夢似幻的浮現腦海, 似曾相識又似是而非... 好迷惑! 真懷疑佢哋倆个腦袋瓜兒的Memory-chip是否Made in China(唔哂問阿貴, 如假包換; 冇錯!) 竟然重記得咁多陳年往事; 勁! 加油! 將你哋所見所聞一一呈現於吉如讓咱們好好哋回憶"那年咱們在鳴遠一起的日子";也好好回味咱們曾经擁有過的童真, 少年不識愁滋味, 追星(男)棒月(女), 你儂我儂 ,快樂的日子.....
同学們, 小心啊! 你我嘅臭史, 醜聞將會一一浮出哦, 有云: 清者自清, 大丈夫能屈能伸, 小女子能言善辯, 兵來將擋, 水來土掩, 冇有怕!
Nana
瑞娜，我仲古妳失咗踪，或者俾人綁架，原來上咗鵝眉山閉關修練玉女心經，依家練成落山，可以稱霸武林啦！我都覺得奇怪，袋鼠隊東征咁大件事都唔見妳出聲，依家見妳出現，我都安心啲，妳知啦！吉如網只得幾個發燒友出面發噏風，好悶啫！有妳助陣，吉如網又多野睇喇。四眼銓
ReplyDelete先陣瑣事繁忙好少上網,偶然都有入嚟八八下,見你四眼銓,學濤兄台同翠群公主上晒陣,場面轟烈唔敢騷擾.直至前晚收到吉如來电話學濤帶領袋鼠隊打到嚟先知道咁大件事,重唔出關等死咩!哈哈...LA有四哥;SF有碧雲,即管放鼠過嚟啦!見一个收一个也!我都唸緊明年點樣抽个時間可以与鼠同遊Caribbean哩!
Delete依家咁你四眼銓又可以学吓翠群公主食番个义燒包飲吓杯靚茶慢慢緬懷追憶你曾经擁有過的臭(歷)史吧!好多舊史(唔好想丕哦!)都唔記得,但經你同翠群提起重有少少記憶嘅.往事只能回味,是甜是酸是苦是辣就個人別論自己知自己事啦...Nana
翠群，近排隔咗將近兩個星期都唔見你上網，若不是正忙著，就想去吉如尋人啓事欄找幫忙。
ReplyDelete你呢個飲杯茶食個包嘅習慣，真個羨慕死好多人，能夠偷空坐低，放下所有家常細事，懷念下數十年前往事，將可圈可點趣事奇事，寫出來給大家分享，好事嚟嘅！但若果當年有任何怨言而互相頂撞，最後差強人意，到如今都應該一筆勾消吧。年輕時心境是開邁，樣樣事只求開心，一時好玩，作弄攪鬼，沒有機心，偷呃拐騙還輪不到，根本稱不上臭史醜聞，就算依家揭出來，反而會認為是樂事，至少沒有枉度童年的光陰，天真無邪，與其糊裡糊塗的過一世，不如轟轟烈烈的一霎那，永遠留下回憶。
偉銓，翠群，你們兩人一談一唱，打鑼打鼓呢個重大責任非我莫屬，皆因我的memory chip 係低容量，況且當年又冇認真的儲存，所以沒有資料可提供，學nana話，父母made in china ，我哋嘅腦細胞品質耿係無得頂，且看你們對往事的敘述過程，就是最好的事實証明，我還在問自己有這回事嗎?
偶爾別人說錯了話，懞然不知的得罪了自己，至要緊被奚落時，男子漢要保持紳士風度，腹可載舟。但小女子則可牙尖咀利，死拗番生，至緊要有人肯buy 你話啱唔啱。
康樂組長翠群公主，當年你萬花劍法的橋在那裡度來呢，可否給我們分享一下。
套用你一句，係咁多先，有話繼續講，無話早唞，再見。
HT
哈哈...學濤兄台!我哋依班鳴遠学子个个入得天堂,出得地嶽.當年楚河漢界;當今東南西北都可以重聚,何况昔日一个个黃毛(男)丫頭(女);今日个个夫唱婦随,女慈子孝,兒孫滿堂..邊个重會小家子氣般計較陳年嗅事,有嗎?請按个Delete咁乜都冇哂囉!再嚟个Format連底都冇嘛,再唔中意換个新ke(睇開de啦!)咁就搞掂,係咪?nana
Delete冇錯啦！要記住，Delete, Format 或換新ke， 明天會更好！
DeleteHT
哇！冇見幾日就來著咁多大師父出關論武嘞！吉如好嘢！正式係Marketing高手，咁都比佢捧紅我，哈哈！人怕出名豬怕肥呵，我有啲驚，到時有導演搵我寫電影劇本，唔知點算好呢（發緊夢…）哈哈！Nana啊！妳寫漏著幾個字啦，「公主嘅妹仔」先至啱…我寧願做「女俠」背著laptop週遊例網，得閑就飲杯茶食個包，担保有講多冇講少，好似煲tom yum酸辣湯咁…加啲鹽…加啲醋，看官就睇得津津有味。偉銓同學要幫吓手加料吖，介因嗰個「九方秘笈」引我浪跡江湖，人在江湖身不由已，唉！依家仲未飲茶食包都要上來與閣下過返幾招先，联絡吓感情。下次正式飲杯茶食個包，諗到料再講過。HT 想要乜嘢劍法呢？經書就有一部：「自已执生」，啱唔啱冼呢？係咁多先，再見！翠群
ReplyDelete偷得人生半日閒，得閑坐低飲杯茶食個包，聽吓音樂，嗰種感覺好幸褔呵！再加埋時光倒流四十年，同學仔嘅後生靚樣再度現在腦海里，感覺好似坐咗時空穿梭機返到…「當我們同在一起，在一起在一起，當我們同在一起，其快樂無比，你對著我笑嘻嘻，我對著你笑哈哈，當我們同在一起，其快樂無比」…一首很輕鬆，好簡單，但每次聚會必唱嘅歌。記憶中嘅課室有四排枱蹬，每張枱坐兩人，左右各一排，中間係由兩排合一，共坐四人。年首開學，班主任會叫大家响課室出邊排隊由矮到高，然後入課室，輪到邊張枱就坐低，冇得揀。所以呢…有啲同學仔年年都係坐前排，你估係邊個呢？相信大家心中有數啦，嘻嘻。班組織茶會响週末或週日？要否申請允許？我唔記得晒囉，要問我哋班長啦。我凈係記得開茶會嗰陣，要搬啲枱蹬埋牆，大家圍住中間一張由幾張書枱拼埋嘅大枱，上面擺糕點，汽水，等等。如果邊位想表演歌舞就要企响中間，所以我好佩服啲男同學，敢企出來對著心儀嘅女同學唱歌告白，真係夠勇！個唱，組合唱，全體合唱，講笑話，彈結他，吹口琴，呢幾樣活動千遍一律都唔覺厭，當年我哋嘅要求好低啫，咁就嘻哈到散會。唔似依家响呢度嘅後生仔女，佢哋真係寬佬，Party要响照待會辦，要著禮服先敢見人，唉！唔知佢哋有冇我哋咁開心呢？舊時我有party玩 就開心到痹啦！咪以為我好叻好多橋，其實要講兩分鐘話，都事先准備練習多次先至唔懼場。想起以前為著度橋演嘢，諗到瞓唔著，真係好傻，哈哈！各位同學仔，睇咗呢篇口水文後請你幫我一齊高歌一曲… 「當年我們同在一起…在一起在一起…」。係咁多先，下次再講過。祝大家一個充滿歡樂歌聲嘅週末！再見！翠群
ReplyDelete見到翠群講唱歌，我又發牙痕講吓野，大家記唔記得呢首歌，每年每屆畢業班，在最後一個星期一嘅全校集會校訓都聽到全校學生唱俾佢地聽，祝福佢地，雖然唱嚟唱去都係得幾個字，但好有意思，同埋好好聽，記唔記得點唱呀！
ReplyDelete再見再見再見再見，敬祝諸君一路平安，敬祝諸君一路平安，..........敬祝諸君快樂健康敬祝諸君一路平安。
初時自己唱俾人聽，之後人地唱返俾自己聽，嗰個時刻就係我地要離開嘅日子，又興奮又沮喪百感交集，興奮係終於畢業，要出社會創一番事業，沮喪係我地呢班日日相對嘅小伙子面臨各散東西，各奔前程，當日嘅離愁又估唔到四十年後我地又可以聚首一堂，期待又期待，明年四月聚會快來臨。偉銓
"當我們在一起,在一起....."及"再見,再見,再見,再見，敬祝諸君一路平安...."這些都是鳴遠的經典名曲之一,二.你們都想得起,不虧為鳴遠学友,讚!
ReplyDelete我最記得係每日清晨或午後,老師及主任巡班打分數看那一班安靜,整潔,有礼...作個評估為每週之冠,亞,季軍.
正,副班長最會打前鋒察視老師將至即"嘶...嘶..."提前暗送口號,連平時最搗蛋,鬼馬的同学都識做配合下.
校慶的歌唱,舞蹈,運動...比賽表演個個渾身解數,出盡法寶為班上取勝,興奮熱鬧溢於言表最為樂也!
鳴遠友
今日得閒，學吓茶包女俠飲淡茶食個包喇！(佢話唔想做公主想做女俠，所以就叫佢做茶包女俠啦，佢咁中意飲淡茶食個包，哈哈) ，提一提舊事，有做過服務隊即風紀隊嘅朋友相信會記得，唔知係俾老李或老黎揾笨，又或者我地呢班懵丙太熱愛母校，佢倆個叫我地做乜我地就仆心仆命去做，學校上體育堂所穿嘅運動背心都印有嗚遠兩字，就係我地呢班儍仔儍女印，全校學生一人一件都幾噤計，記得啲衫堆積如山，印衫工場就在化驗室對開，即舊樓之左翼之空地，我們一群人夾手夾腳，將一件件背心噴上紅字，攪到雙手都紅晒，其實太多衫都會攪亂，邊位當年收唔到自己件運動衫都唔好怪我地，因真係做得好辛苦呀，冇酬勞自己仲要俾錢食午餐。
ReplyDelete仲有一次唔記得邊位華人參選議員，選舉地點在學校所以學校又叫我地呢班服務隊助陣，幫手拉票，不過嗰次都好，有條banh mi thit cha，同埋支汽水，記得嗰日好夜先至歸家，因要留低監察點票，怕有人出猫。
學校生活就係咁，冇得計！偉銓
我當初上吉如貼文係一來貪好玩，二來練習打拼中文，估唔到依家有埋自已單元，認真多謝大家嘅「愛錯」喇，哈哈。我諗乜就寫乜，冇校對，所以睇返就見錯字百出，有損嗚遠學友聲譽，真係對唔住喎！
ReplyDelete多謝偉銓及嗚遠友嘅資料，呢啲小小嘅故事好似水滴咁，一滴一滴就裝滿記憶，一筆一畫就充填完整嗚遠個拼圖。「盛哉吾校，廣集菁菁，虔敬以學，親愛以誠… 」你哋一定唔可以忘記呢首校歌。每星期集會嗰陣，全校合唱校歌，相信學校左右隔籬都聽見。當年未有PlayStation，ipod…咁高科技嘅玩意，學生下堂又冇得出去，唯一消磨時間就係唱歌或打波。三，五個人堆埋大唱流行歌曲，「淚的小花」，「梅蘭，梅蘭我愛妳」，「像夢又像真」…唏嚦嚦，嘩啦啦，呼嚕嚕，莎啦啦… 好開心，好無懮無慮嘅日子。相信依家每次唱K，你哋都會點返首舊歌唱，係唔係呢？
依家先至知，原來體育衫係偉銓班人馬搞，佢哋真係好積極，應該攞「優秀服務獎」至啱。講到體育衫我諗起校服，記得所有校服都要响堤岸一間鋪買，聽講嗰間鋪係輔導主任張生嘅家族生意。唔記得件白衫有冇校徽呢？印象中好似有繡一行字「嗚遠高級中學」，啱唔啱呢？白衫籃裙或籃長衭，體育堂就換白恤衫短衭。越南咁熱當然冇外套啦。
嗚遠友提到老師，好老師唔止教學，仲教點樣做人。有啲話老師曾經講過，可能好簡單，唔關痛癢嘅一句話，但係我哋會永遠記得。我自已就記得法文老師Ba` Nu*~有講過：「…冇咁早拍拖，上大學先搵啱自已嘅人…」。估唔到依家我照版煮碗對我囡囡講返，哈哈。 老師，同學，學校，書本…拈據咗我哋大部份嘅童年，少年。難怪我哋咁珍惜嗰啲回憶呢！各位同學仔，趁你哋仲記得乜野都好，唔該快快講出來，大家分享吓。係咁多先，下次再講過。再見！茶包女俠—翠群（多謝師父賜封號，真係多得你唔少呵！哈哈）
對唔住，啱啱講完，又打錯字添！嗚遠學生就著藍裙藍衭，茶包女俠就著籃裙籃衭！哈哈哈！越睇越忍唔住笑！中文真係好野，差一畫就差千里路。祝大家笑哈哈，晚飯食大龍虾！哈哈！再次再見，籃裙茶包女俠。哈哈哈…
Delete哈哈哈, 百變的 「吹水公主」 己搖身變成為 「茶包女俠」啦！
ReplyDelete哈哈，吉如站長呵！妳新貼嘅圖好似白髮佬佬。係唔係公主易容變佬佬？亦或佬佬易容變公主呢？哈哈，今日真係好好笑！嘻哈女俠—翠群。（又多一個封號喇，正式係百變囉，哈哈哈）
Delete翠群, 妳這百變的「茶包嘻哈女俠」己被整容過。起碼年輕了20歲。耶！
Delete吉如
亂咁幫妳安花名希望妳唔好嬲，其實有個別號都唔錯，將來邊個一提到飲淡茶食個包，就會記得翠群大姐，茶包女俠。
ReplyDelete呢處我想補充吓，學校校徽係三角型，下面係每個學生個人篇號，呢個號碼，亦都係最怕每日入學校大門時俾服務隊發現因校服或儀容不合格俾登記底記過，校徽係向學校購買，自己車上衫去。講到校歌，我知有另一板本，相信大家都知點唱，若您唔知，恭喜您，您可算係嗚遠好學生。
講到老師，我最記得高一時教越文嘅越南教師，高高瘦瘦，我唔記得佢叫乜名，但我好中意佢講書，LUC VAN TIEN，THUY VAN THUY KIEU，及教我地點寫論文，做乜我咁記得佢，因當年我偷度離開越南時失敗，在監獄中與佢同倉，囚禁期間我有要求佢講返呢個故事我聽，哈哈原來佢都有條件，要我唱返首歌佢聽，估唔到佢好中意聽千言萬語。偉銓
曾幾何時…冇留意到週末原來係咁輕鬆嘅日子，因為自已從來都冇諗過點樣留返啲時間俾自已。直至吉如「吹水會」開檔後，局住要坐低回憶往事，要培養情諸慢慢諗，所以就開始習慣一邊飲杯茶食個餅，一邊寫貼文。因為個餅太細，唔夠飽，寫回憶就凈係記得一半半，所以改返食個包，然後呢…唔知唔覺做埋「茶包女俠」，哈哈。呢個代號都幾Q喇！習慣成自然，依家我好享受週末上吉如「吹水」時間。凡事有前因後果，係唔係呢？我會珍惜呢個緣份，到七老八十嗰陣又多咗「吉如回憶錄」。有人話「…人生係由記憶組成… life is all memory…」，講得好啱。所以話噻…大家多啲貼文參議，齊來點皺我人生吧，多謝先喇！嘻嘻。
ReplyDelete當年我比較注重越文科目，嗰陣我哋讀「一校兩制」，即係中越課程，高三畢業後，如果唔去台灣留學，就要讀多一年越文Lop 12以考取Tu Tai。呢個關頭好重要，尤其男仔過唔得嗰關就要去當兵。冇辦法喇，赴台升學唔係易，除咗要考試獲得台灣大學錄取，仲要生活住宿費，嗰陣真係冇諗過要離家千里呵！全靠亞爸供讀嗚遠，局住上課要用國語，除此之外，下堂就講廣府話，甚至有啲同學仔响屋企全部講越文添，中文差嘅原因係可以理觧嘅。越文，國文，歷史嘅老師講古仔確係一流冇貨。我曾問過越文老師關於Truyen Kieu，係講一個青樓女子嘅故事，點觧學生要讀，要研究佢嘅生涯呢？老師話：「呢啲係教科書，你就要讀喇…唔讀就冇分…」。當年學生家長都冇得出聲參議自已子女嘅教育課材，亞爸甚至唔知我响學校讀啲乜嘢內容，成績表高分就ok喇。唉！我記得响嗚遠三年期間，亞爸未曾見過校長或任何一位老師！大家會諗…哇…我係乖學生所以唔冼見家長？？？其實我真係好想我父母認識，了觧下子女嘅學校生活。依家諗起來，自已亦未曾對亞爸提及學校嘅事，唔通我哋嗰個時代就係咁咩？子女完全交由學校理晒咩？如果有對亞爸提到學校就一定係交學費嘅事。記得幫亞媽去堤岸一間銀行納錢俾學校，然後銀行櫃員發出一張手寫收據俾我哋。一年兩期學費，記得好係响73, 74 年開始可以申請分期交錢（啱唔啱呢？）對家長來講… 學校﹦學費+成績表…就係咁多。可能咁，所以我哋以前好獨立，有主見，能屈能伸，好嘢喎！望返今日嘅「我」，非常「嗚遠」，雖冇大成就，但好感滿足，興幸能够坐低飲杯茶食個包，一樂也！係咁多先，下次再講過。再見！茶包嘻哈女俠—翠群（多謝吉如「愛錯」幫整容，怪唔知得今日個樣後生咗，哈哈哈！）
忍不住要講一聲，何解「鳴遠」成日俾大家寫成「嗚」遠呢？唔信就從第一篇看返轉頭。
ReplyDelete要知道，吉如依家好吃香，也全世界都睇緊。哈哈！
這只是友誼提醒大家而已，請別介意！謝謝！
小鳴鳴。（not 小嗚嗚）
小鳴鳴啊！若要捉錯字一開始每頁文章紅圈一大籃了、從回憶＂錄＂寫成了＂碌＂皆因大家用電腦打字一旦沒看清濋出錯手按下了就木巳成舟、因此得過且過人人唔介意只要你明我明大家心知肚明，經你小鳴鳴一提、也好！以后大家可要打起十二份精神、唔好再錯字連連啦！
Delete大鳴鳴
睇落唔係個個都寫錯成＂嗚＂字嘅！有云：一失足成千古恨、我哋有時都會：一失手成笑話系、
Delete多多包涵！
謝謝大鳴鳴的提醒,本單元名稱之「碌」字己改成「錄」字。
Delete至於各段迴響(comments)内的錯别字,可真的没辦法去改。除非是排在最後的一結段,本站可代為刪除再重新發載。請各位在按"Publish"前,多作校對修改。不然還真是會應了那句 「一失足成千古恨」。
不過,都没關係啦！只要是不太離譜,猜猜猜,應該都可瞭解。開心就好！
吉如
我們這個「點字」時代，「點」錯字可是家常便「字」。正如「大」鳴鳴所說的，讀者都會明白是點錯了字，都心知肚明的。其實，那個「碌」字一早就逃不過小鳴鳴的「細眼尖睛」，呵呵！心知以吉如的文學功力當然是不小心「點」錯而已，一定有朝一日會改過來的。
Delete但學校名字點錯了會令外人覺得這校名「怪怪的」，眼看這麼久了還天天「嗚」來「嗚」去的，才忍不住提一提而已。
畢竟年紀小，「忍」之一字還學不到皮毛呢！ 呵呵！ 小鳴鳴。
其實經大、小鳴鳴一提亦可改善大家不經意的亂點文字鬧笑話、雖不失大雅亦應知錯能改、善莫大焉！
Delete中國文字的奧秘是一字多義、妙不可言、有時也會帶給俺們莫須有的煩惱、尤以廣東話嘅油腔滑調、指桑駡槐、捉字蚕、抓尾音、幽默、風趣...往往令人忍唔住捧腹大笑、所以不時砌磋互補不過也未嘗不是人生一大樂事啊！
毛毛
哈哈哈,這位小鳴鳴真是金睛火眼,這個别字也看得到。您好厲害啊！想必閣下乃青壯一族,尚不必帶老花眼鏡。
ReplyDelete謝謝「愛站及字亅(愛屋及鳥)。各位侠士們,可得多留神了！
吉如
吉如：好說好說！您過奬了！
ReplyDelete想當年，小鳴鳴常在校門外流著口水吃冰淇淋，就只認得「鳴遠」兩個「大字」。
呵呵！Haha ！！
註： 上則漏了一個字：也（許）全世都睇緊。（ 不好意思！ ）
小鳴鳴,我想我知道您是誰了！哈哈哈,怎么連寫個字也「口吃亅起來了？這回您漏了個「界亅字了！哇哈哈！
ReplyDeleteThanks anyway. You're good! Like 100%.
吉如
聰明的吉如又怎會猜不到呢？！
ReplyDelete小鳴鳴我就因吃多了冰淇淋，這才導致年紀大了就「口吃」了起來！
但想想，口吃也有好處呀，少說，也就少錯了，不是嗎？ Haha !
小 .... 小鳴 ..鳴。
您那邊時候也不早了,早點休息吧！明天起個大早,當個「咖包嘻哈大俠」,再給吉如站投幾篇好文章,给大家分享分享吧！
ReplyDeleteGood night!
吉如目前熱「爆」了，眼看就要破二萬點擊率了呀！（恭喜恭喜！）
Delete這陣子有點忙，只偷閒上網看看您們的校園趣事，可謂高手如雲，看幾位大俠女俠掌風那麼凌厲，看得口水直流
看得開心極了！Haha haha !
配了老花眼鏡的小鳴鳴。（不小了呀！哈！）
呢位大哥大姐真係好眼，我返查過果然從頭到尾都係用個嗚字，真係抬棺材甩褲，失禮死人！中文真係奧妙，差一點一晝就離晒大譜，都好難怪，我地呢班逃難者，身居異鄉，都三十多年什小接觸中文，唔好話寫，讀書睇書都小，中文字分分鐘都唔記得點寫，每日為家庭，為子女，為兩餐，忙於奔命，邊有時間去講文化吖！辛苦半世，依家總算安居樂業，安靜落嚟有時間八吓，好在依家有中文電腦打字幫忙，記得個字頭字尾估估吓就打到出嚟，見差唔多樣就撳上去，同時吉如又有呢個吹水發噏風平台，俾我地發揮錯字，哈哈！得閒當練吓字都好，
ReplyDelete小嗚嗚，大嗚嗚，唔該今後多啲提點，我地呢班錯字一族唔介意再上成年班，偉銓
哈哈，真係唔認老都唔得，小鳴鳴大鳴鳴又打成小嗚嗚大嗚嗚，揾日都係去檢查吓雙眼，老花又要加深啦！
ReplyDelete嗚又好鳴又好，字太細，遠睇都係差唔多！差唔多！嘻嘻！！！
偉銓
哈哈…對唔住，係我一個人嘅錯…哈哈…當初打拼中文時，第一頁就見呢個「嗚」字，諗住看官唔係似我近視都會係老花啦。估唔到有人咁好嘢，金睛火眼睇穿晒，果然內功深厚，佩服！好彩上面有講過，諗乜寫乜，「打字隨情緒上」，冇校對，請各位大小俠士「鳴遠鳴遠」（意思係諒觧）呢個學神喇。哈哈哈！又一個好好笑嘅週末…再見！非常「鳴遠」嘅茶包嘻哈女俠。
ReplyDelete感謝所有的建言！為避免筆誤及方便各位「耆英者」留言,本欄字體己特別加大尺寸。謝謝。
ReplyDelete吉如
估唔到一個「嗚」字可以引出咁多高手雲集吉如！初時被批評「…天天嗚來嗚去…」，覺得有啲氣壘。但係諗落…自已都有留意其他錯字呢，最弊一直都唔知自已點錯「嗚」字呵。又唔係寫徵文比賽，或上國文堂，亦唔係寫稿搵錢，冇必需至「一失足成千古恨」咁嚴重吧，但「一失手成笑話系」都唔錯，逗得看官笑哈哈，好過被人煆，哈哈… 雖話「寫多錯多…」，唔寫就唔知自已寫錯，對嗎？就痲煩看官當係猜謎估字吧！
ReplyDelete以下字句大錯特錯，如果睇得明就証實閣下功力己練到「人字合一」嘞！哈哈
Aoccdrnig to a rscheearch at Cmabrigde Uinervtisy, it deosn't mttaer in waht oredr the ltteers in a wrod are, the olny iprmoetnt tihng is taht the frist and lsat ltteer be at the rghit pclae. The rset can be a toatl mses and you can sitll raed it wouthit porbelm. Tihs is bcuseae the huamn mnid deos not raed ervey lteter by istlef, but the wrod as a wlohe.
苦練「九方神功」短短幾個月，初學拼字嗰陣，一個鐘頭先寫得四，五行，依家可以寫得十幾二十行。而且自離校至今幾十年，第一次寫咁多中文字，「學如逆水行舟，不進則退」，所以我都幾滿意自已嘅成績，尤其用廣東話來陳述，真係好搞笑。多謝師父同吉如製造咁好機緣俾我獻醜(中國人要謙虛啲，嘻嘻），亦好多謝「全世…界」網友捧場。今後會加倍小心，或者搵返個導師幫手校對都唔錯，哈哈…講笑啫，都話唔介意大家嘅善意，建設性批評囉！唔好意思，講下…講下…好似有啲「跌落地都要楋翻揸沙」咁感覺。來來來，大家來…唱返鄧麗君首歌「忘記他」就OK 嘞！
好啦，言歸正傳，「回憶往事」先至係主題，改錯字嘅責任就交俾國文老師吧！今日亦冇乜頭緒，就繼續上次話題嘞。記得當年返學由朝頭早八點上課到中午十二點，然後休息兩個鐘，晏晝兩點上課到六點，一日讀八個鐘，如果計埋去補習就冇乜時間剩囉。大部份學生返屋企食飯瞓晏覺，冲個靚涼再返學。有啲學生住得遠就响飯堂或响外邊食晏，然後去豪華左近幾間出租公仔書檔玩，响嗰度睇公仔書到唔記得返學都有呢。亦有人中意去玩枱波。兩個鐘頭响外邊流離浪蕩，如果唔好彩識啱啲壞人就慘囉！中午十二點過後，整條街靜英英，剩返啲為兩餐奔波忙碌嘅人，甚至有啲鋪首檔灘選擇中午停業。越南至今仍然有瞓晏覺嘅習慣，依家回越探親時，中意响中午出街蕩，因為人少交通比較順通，响西貢街頭樹蔭下，搵間戶外咖啡檔，坐低飲杯茶食個包，都幾寫意呵！係咁多先，下次再講過。再見！錯字一族族長—翠群（又一個新代號，又一個愉快週末 …）
今日睇返篇文，先知道自已可能食個大包太飽，所以講多咗啲上課時間，哈哈。事關每次返屋企都係准備食晚飯，所以就寫係六點嘞！諗來諗去覺得係冇咁晏喔。邊個同學仔仲記得清楚就唔該幫手補充吧！再記：檔「灘」應該係木字邊，但係我搵暈晒部「九方秘笈」都唔見，所以暫用「灘」字。看官通容一下吧。再見！翠群
Delete女俠大姐：每次讀您的「茶包週未記」，唸大家都會開心的！！
Delete唔好意思，話您「成日嗚來嗚去」只係開玩笑而已。
而家真係要恭喜您：
「成日 ... 鳴來鳴去」了！ 呵呵！
小鳴鳴。
廣東白話適合普羅大眾，若有同音不同義，明白就算。
ReplyDelete「攤」部首是「手」，「分派」之意，因此「攤位」是一個可以把物品「準備」展示出來的地方。「木」旁加「難」是自造字，難怪「九方秘笈」沒有。
小鳴鳴，謝問好，請指教，“濤聲依舊”。。。
HT
濤聲依舊，學貫中西！
ReplyDelete佩服！佩服！呵呵！
小鳴鳴。
鐵證如山，陳詞化水。僥倖，不敢當﹗
DeleteHT
多謝看官提點，我真係得益不少。各位博學多才，喐手成詩，點字成詞，兩人過招，讀者過癮，好野喎！
ReplyDelete講到當年放學時間，我諗大多數同學仔會似我咁，放學唔即刻返屋企。有啲學生留响學校參加課外活動，或者去當家庭教師賺零用錢，亦或踏部單車，機動車週街走…總之唔會即刻返屋企，啱唔啱呢？朝首早响學校門口好通爽，凈係有幾檔小販賣早餐，一到放學就見隔校門幾尺，一檔檔賣蛤蜊(ngeu, so`)，鴨仔蛋，酒水，等等，開始擺檔做生意，最早嘅顧客應該係鳴遠學生吧！
當年因住响西貢，離學校都幾遠，慬力就踏單車，懶啲或落雨就搭Xe Lam。唔知各位同學仔仲記得Xe Lam個款式嗎？我記得响前面嘅司機位係開放式，即係冇門。後面戴乘客嘅車箱亦冇欄，只有一條安全鐵鏈欄住，但多數都係冇上鉤，造個樣俾人睇啫，因為司機費事上落車去鉤安全鏈，乘客亦冇關心安全問題嘞。車箱左右各安裝一張長凳，每張凳可坐約五人，但係…繁忙時間就會加乘客，連中間冇凳都可以蹲坐幾人，甚至响前面嘅司機位旁邊亦可坐兩人。有時架車載客過量，頭輕尾重，司機博命加速，架Xe Lam好似…老牛耕田，老馬拉車，老姥姥爬山咁扯下扯下，後面嘅排氣管噴濃濃白煙，可想而知幾咁污染環境呢。亦有人坐Xe Lam被小偷插袋，我哋學生仔冇錢冇人蘇，可避過一劫，哈哈。有錢仔女（好似吉如咁…嘻嘻）就有私家汽車接送，或駕有型有款機動車返學，真係羨慕死嘞！不過…佢哋就錯過咁刺激嘅場面啊！係咁多先，下次再講過。祝大家週末愉快，再見！「寒酸一族」—翠群，哈哈…
前幾日收到茶包女俠打電話俾我，問我呢排做乜唔幫佢伴奏，冇晒聲氣，其實我呢幾個星期有啲野煩，所以冇乜時間上嚟八，但我都有上吉如打個轉，女俠！我諗盡腦汁都要唱返首歌幫妳合奏，翠群四十年回憶錄。
ReplyDelete記唔記得畢業嗰年，真係好多謝學校嘅安排，攪好多課外活動，第一件事係參觀台灣駐越南大使館，可能因保安問題，參觀人數有限，能入選之同學都係有頭有面嘅精英份子，可惜我就冇份，你---妳---有冇份呀！第二件事我一提應該大家都記得，因大家都有份去，同埋大家去得好開心，尤其是男同學，去邊處？就係去參觀啤酒廠，好彩啤酒廠離學校唔遠，一班人浩浩蕩蕩步行到酒廠，一生人都未見過咁大嘅廠房，由發酵到蒸酒，由高溫廠房到冷凍室，一陣陣大麥及槐花米香，真係難忘，講到難忘，相信我們男生最難忘應該係參觀結束前一幕，啤酒招待，免費任飲，哈哈，記得回程時個個男生都面紅紅，行路都暈酡酡，女生點樣，我就冇乜留意，應該都差唔多啩！難得冇皇管，仲唔飲番夠本，讀咁耐書，第一次穿着校服奉旨飲醉酒，仲唔會俾記過，真係好小有咁嘅機會。偉銓
真的嗎? 我怎么都不記得了。是誰的主意？咖哩爺或肥佬張？假如真是事實, 當年學校的「輔導處」就該為「誤人子弟」記上「大過」一次！
Delete點解咁好既野都留係畢業個年﹐仲要未滿十八歲就飲酒，老師係咁話﹐東南亞班黃
ReplyDelete毛小子比較早熟，所以拿拿臨趕住去啦，諗下若果唔俾，以後對住母校，邊個會依
依不捨呢，但又唔係，想博留班咩。依家終於明白，原來留來做“翠群四十年回憶
錄”。哈哈﹗
上次講到晏晝放學，你仲記唔記得係幾點鐘﹖係唔係四點啊﹖中午休息兩個鐘頭，
再讀兩個鐘頭，幾咁疏付﹐法國佬真係識享受人生﹐一的都冇錯。
自己都服佐自己，趁熱鬧，寫白話，搵唔倒字，求其同音算數﹗“朱”君莫怪莫怪。
國粵輸入字難共存﹖唔通又要練“九方”神經﹖
HT
老濤，好一句求其同音算數，我BUY您，哈哈！以後上吉如寫錯字都冇有怕啦！唔駛寫完篇野仲要查嚟查去，求其睇得明就過骨，話知佢！好似女俠話齋，個腦諗乜就打乜，喂大佬！您似乎好似有小小揾人笨喎！"朱"君莫怪，都好！同音啫，千祈唔好寫成猪字就大件事啦！我明嘅。四眼銓
ReplyDelete哇！呢期有偉銓，HT，吉如玩埋，好開心！承日唱獨台戲係好悶啫，多個人敲鑼打鼓就熱鬧多啲。多謝偉銓，你嘅資料好「高檔」喎！講到去參觀大使館，雖然我唔係乜精英份子，好彩有機會參加一份，所以…特別有「難忘」印象，哈哈。
ReplyDelete呢個週末寫乜呢？最近整理舊相簿，無意搵到幾位同學仔嘅學生相，突然間好掛住佢哋。記得從明德初中畢業轉來鳴遠嘅同學都被編讀同一班高一。上高二就分散晒，除咗响學校比賽要對敵之外，我哋仍然一齊玩，一齊放學去豪華喂食街食野，一齊交換功課，互傳謠言風聲…嘻嘻。間接又間接…大家認識埋其他班嘅同學。我哋放咗學一齊玩籃球，週末就去游水或上門探訪。嗰陣我哋好坦白，真摯，唔識客氣話，見到同學仔屋企開飯，叫留低食飯就老實唔客氣嘞，依家諗落真係唔好意思。同枱食飯係一種緣份，依家雖然我哋分開咁耐，又冇乜联絡，但係我相信會似…舊時互贈照片後面所寫一樣…願我倆「友誼永固」…祝你「學業猛進」…「永遠快樂」…「前程萬里」…等等，好感人啊！
除咗吃喝玩樂之外，我哋仲鐘意睇中文雜誌，漫畫小說。嗰陣時中文刋物好貴，屬於奢侈品，唔係一般學生仔可以經常購買，所以只有交換睇或去租書檔租吧！初中嗰陣好迷睇「嬌滴滴」，「十三點」，「姊妹」，「老夫子」…上高中就迷琼瑤小說，金庸武俠小說，「皇冠」，「讀者文摘」…為咗慳錢，大家要趕水快啲睇晒來交換書，所以呢…返學帶埋呢小說，雜誌去show係我哋日常活動之一，老師行過見到大家下堂仲讀書，亞爸見到我放學就睇書…以為我好慬力，佢哋唔見到書內有「書」，唔係嘅話一定俾我激到氣爆囉…哈哈！唔知各位同學仔有冇類似嘅經歷呢？不防同大家分享下，好嗎？
今日話題令我有感而創以下「三部交响曲」：
三拍：高一拍球（乖乖形象），高二拍枱（調皮形象），高三拍拖（人細鬼大形象）。
三最：高一最瘀（大鄉里出省城），高二最好玩（熟口熟面稱兄道弟），高三最難忘（離別在即依依不捨）。
係咁多先，下次再講過。再見！「懷舊一族」—翠群
又到週末，上期熱鬧過後今期就清靜咗。坐低飲杯茶食個包，睇返「四十年回憶錄」，好似乜都講晒，又好似仲有好多嘢未講。未講嘅係…往日同班同學仔一齊嘅歡樂時光，填滿記憶但又無從講起。
ReplyDelete呢個九月開始換季，商店新裝登場，就講下時裝吧，相信各位同學以前都曾經好刻意打扮去參加茶會，舞會…係唔係呢？上高中第一樣變係唔再著亞媽响街市買嘅成衣，而係可以自已買布叫裁縫師度身訂造，然後…响party或郊遊時，所見到平時白衫藍裙，藍衭，平頭短髮嘅樣…換咗係摩登時髦嘅…超短迷你裙，超長喇叭衭，超長Maxi 裙，超級闊身衭…等等…配返…平頭短髮，冇計啦，唔通帶假髮咩？哈哈…記得有個同學仔，平時係模範榜樣，標準校服，有一次去郊遊時，差啲認唔到佢，佢一身超時尚打扮，短衫配闊身長衭，加埋對高踭屐，我諗佢可以做「姊妹」雜誌模特兒添。探問先知道原來佢亞姐係裁縫師，响和平街市有一間裁縫鋪，有大把時裝書。啦啦聲問佢攞地址，掂咗！放學又多個地方去浦囉。
高中另一種玩意就係去私家party，好緊張，好心驚胆跳嘅經歷。事關當時政府唔俾私人開舞會，所以自已唔敢亂禁去玩，費事痲煩。點知有位同學仔，新搬入高級apartment 住，佢組織舞會，話好安全凈係自已友，所以我冒險去參加啦。當晚大家鬼鬼鼠鼠，靜雞雞出出入入，初時係平靜冇事，點知後來有人帶其他朋友來，佢哋想搵事幹，搞到我哋好緊張，怕鬧到警察上門，被穿煲係非法聚會就大件事啦。好彩最後聽話有人出面觧決咗，虛驚一場。往日趣事已成追憶，昔日友情永記吉如 … 翠群
不知不覺，又到休閑日子，如果週末唔洗返工，懶出街又冇大食會，咁就應該坐低…飲杯茶食個包，上吉如吹下水，真係好疏乎喇，嘻嘻。
ReplyDelete高三真係有好多難忘嘅事，响鳴遠最後一年，大家經常聚會，好多同學仔已有機動車，所以一聽話去「邊和」，Lai Thieu生果園，等等…即刻擁躍參加，一人戴一人，慢慢…就見到不謀而合嘅一對對男女同學，每次有「他」就有「她」。剩返嘅人，就要做「花心籮白」，因為次次去玩都要「換畫」，唉！無所謂囉，有人肯戴去玩就偷笑喇，哈哈。大家再無似高一，二咁一齊唱歌仔…換咗係清談活動，每次都係「無語的結局」…因為諗起畢業後要面對各種困難，大家不禁感歎而沉默無語。
記得最遠嘅一次旅行係去「大叻」，班長識得友人，居住「大叻」一個鄉村式木屋，有大樹遮陰，鳥言花香，寬曠草地，夜晚點營火，一邊取暖一邊食紅豆糖水，有人彈結他娛樂大眾…隔日朋友帶我哋去當地一個高原玩，初時見到荒野無人住嘅草地，日頭好晒，風吹就覺寒涼，所以冇乜興趣，直至見到一羣山胞姑娘，身著民族服裝，背孭竹籮，手持木棒，赤腳快步，搜拾被日頭晒乾嘅牛屎，聽講牛屎乾係用來做燃料。正當嗰羣山胞出現嗰陣，剛啱有同學挽個錄音機，正唱緊鄧麗君首歌「水漣漪」…「心湖裡起漣漪，心湖裡看見你，希望在心湖裡，成漣漪 心美麗…」。山胞姑娘聽到音樂即時起舞…Oh my God! （當時未識得咁講，哈哈），我第一次體會到「如痴如醉」嘅感覺… 以為淨係响小說或電影先至有嘅場面，我哋都有機會嘗試過，好幸運，好多謝班長組織咁青春，理想嘅「大叻」一遊 … 至今難忘…啦啦，啦啦，啦啦啦… 翠群
「天下無不散之延席」，就算點樣珍惜大家相聚嘅一分一秒，最後都要互訴別離。記得最後一次聚會係响「頭頓」，而最先知道要離開我哋應該係家薇同學，佢話要去台灣留學。我哋响「頭頓」照例去「前灘」睇景，「後灘」游水，然後最後一晚响客棧，我哋幾乎冇乜瞓覺，半夜三更仲响天台瞓帆布床，望星星，潮濕嘅海風加埋啲霧水，好凍但又冇邊個想返入房，難得機會家享受「千星客棧」，點可以錯過呢？眼光光咁望天打卦，嗰晚瞓得幾個鐘，都懶得理有冇「熊貓眼」囉。
ReplyDelete嗰次係我哋班最後一次聚會，返西貢之後就各有各忙直至畢業。剩番嘅日子好悶好無聊，熱鬧慣咗，一下嘢靜落來，一時之間感覺好失落，好似失魂魚咁日日踩單車响堤岸逗來逗去，經過同學仔屋企，入去傾幾句就走人，唔知佢哋有冇謙我煩呢？正如依家咁，上吉如貼文幾個月，期期都「鳴來鳴去」，唔知看官有冇覺厭呢？呢幾個月所寫係我响鳴遠最難忘嘅事，其他點點滴滴，離離散散嘅記憶，冇法串成文，有機會再同老友記一齊串吧！
幾好聽嘅音樂都要有結尾，幾難挨嘅事都會結束，响呢度我暫時寫個休止符—— 多謝吉如，師父嘅提拔，網友嘅捧場。再見！翠群
更改—難得機會「大」家享受「千星客棧」…
Delete唔好意思，今日寫稿有啲激動，所以打漏字，原本懶理佢，但係想留個好印象俾看官，啦啦聲即刻走去搵嘢做…唉吖！又打錯字，不過呢次係特登嘅，啦啦聲即刻更改至啱，哈哈…再見！茶包女俠—翠群
茶包女俠, 怎么突然這么傷感呢？没事吧？女俠一再的說「再見」, 到底是要去那裡浪跡江湖啊？
ReplyDelete今天吉如站的「尋人啓事」欄裡可熱鬧極了。是忠班的同學家在那兒辦喜事。這邊孝班却是冷冷清清的; 有如東山飄雨西山睛的一番情景。也難怪女俠會触景傷情。不管吉如怎樣個猜測, 女俠妳可要堅持那句周星馳的名言: 「吃個包飲杯茶」的習慣啊, 不要輕言放棄哦！孝班還有吉如在, 天塌下來當被蓋！(還算押韻吧???!!!) 哈哈哈哈！
茶包女俠，
ReplyDelete告訴你一個秘密，你的專欄可真了不起，從七月十九日至今已有六百七十之點擊率，
好厲害啊！(吉如網)
因什麼事讓你氣餒，無厘神氣，攪到要消聲匿跡，煞制也無需太急，音樂有休止符，
不過正在等著一個不同凡響的音階，繼續吧，一定捧場。
說實話，打從你的回憶錄出世以來，很多點滴往事，如果沒你提起，就如石沉大海，
那會再度勾起回憶，緬懷過去呢﹖或者有一日，老人痴呆症發作，或者倒下了，想
寫也寫不來，變成悔不當初﹖
講古先生到時到候，就擺好架步，娓娓道來，管他三七二十一，不聽嗎，當你走寶，
寫(打)字呢咪野，唔係個個人鐘意做，但係睇野同八野，易過借火，到時到候心思
思，自自然然上網找“翠群四十年回憶錄”，呢的就係吸引人的地方。
HT
HT說得對！這“翠群四十年回憶錄”只寫了前面兩三年的高中生活趣聞, 接下來還没應了的37年怎生個愁字就對大伙給告别了呢？大家快來按個「讚」字吧！給女俠打打氣！耶！
Delete其實, 從古哥提供的點擊紀錄上,可留意到吉如站大多數的看官們都很安靜。他(她)們喜歡默默的「只看不迴響」。有留言迴響的大都圍繞在自己心儀的專欄裡。這“翠群四十年回憶錄”就是個明顯的例子。
好吧, 吉如應大家要求, 稍待會有空也會安裝一個點擊率的時鐘在這專欄旁, 好讓女俠和網友們可以追踪自己曾經參與過一步一脚印的點擊率。
吉如
茶包女俠：
ReplyDelete就算我呢個校外賣糖水的，都係每一期都上網分享您哋快樂的「鳴來鳴去」呀！
加油！加油！！
小鳴鳴。
嘩，唔係卦！妳枱戲咁快脆就收鑼，個個都唔捨得喎！妳張記憶卡唔止咁小，應該仲有好多，又難怪嘅！近排妳成日唱獨腳戲，冇人同妳打鑼打鼓，所以妳寫都寫到悶啦，若有人同妳一唱一和，相信妳唔會咁快就落幕唔玩，我都唔好意思，早排口口聲聲拍晒心口話幫妳打鑼打鼓同妳伴奏，最弊近排好唔得閒，八個月前因在車房改建多一問房時跌斷手，依家隻手好返，我又開始做野，所以小咗時間上嚟八，再攪多幾個星期，應該掂晒。但我都好佩服妳，個腦仲記得咁多野，我就就快空白，為咗要同妳華山論劍，我就將我當年最瘀嘅事搬上嚟，相信大家都唔會記得高一時英文第一課係乜？係乜呢？係TWINKLE TWINKLE LITTLE STAR，有日上英文堂時要背書，女老師問有邊個先上去背讀呢首書，全班靜咗一陣，我就叻唔撤，帶頭領先，點知背到一半就唔記得，個腦越諗就越空白，最終衰收尾，瘀晒返埋位。喂！女俠，我咁瘀嘅野都搬上嚟撐妳，妳唔好咁快閉關練功，九方秘笈等妳發揮架。偉銓
ReplyDelete哎呀呀！（擺番個大戲架步，擰下個頭，左手摸下頭髮，右手指一指，再擰下個頭…）哎呀呀！吉如咁好玩…在下武功痲馬，但勝在好貪玩，梗係冇咁快消失江湖啦（再擰下個頭…）…見到眾人喜愛…點惜得靜雞雞走人呢？…哎呀呀！暫停「鳴來鳴去」，跟住就「解來解去」，「放來放去」啦！哈哈。唔該閣下耐心等到週末，好嗎？（慢慢用腳趾尖行入去…）再見！茶包女俠—翠群
ReplyDelete